لا تنكسر مهما تحاربك الظروف
خلك صلب مثل الجبال الراسيه
لايام تقسى والزمن اصبح سيوف
ما ترحم النفس الضعيفه الخاويه
ما ينهزم الا الذي صك الكفوف
حسره ولا بيديه الا الخاليه
العز تاجٍ يلبسه من هو يشوف
نصراً قريب باليالي الضاريه
خلها النظرات من عينك تطوف
بين الكواكب والنجوم العاليه
صفٍ تعلت رتبته بين الصفوف
ما تهزمه روح التحدي الحاميه
من يكتب التاريخ يرسم بالحروف
تبقى له الذكرى سنينً صافيه
حبلٍ ربطته بالثقه لو كان صوف
لا توَشلك فيه الظنون الباليه
لا تكون إلا للنجم تبغي تلوف
إن ما وصلته في رصيدك كافيه
شينن ذخرته للزمن فوق الرفوف
تلقاه في حِز السنين الظاميه
مجدك ابد لا ترسمه وسط الكهوف
إرسيه في روس الجبال الساميه
لو تجعل الامجاد دربك دون خوف
ما تهزك اقدار الزمان القاسيه
