كشفت الفنانة يسرا اللوزي عن آرائها حول الاستقلال المادي للمرأة وتجربتها الشخصية مع الأمومة، مؤكدة على أهمية احتفاظ الزوجة بمدخرات مالية خاصة بها لضمان شعورها بالأمان الاقتصادي.
حيث أوضحت يسرا اللوزي خلال استضافتها في برنامج "الستات مايعرفوش يكدبوا"أنها صريحة مع زوجها في هذا الشأن، قائلة: "قلت لجوزي أنا الفترة الجاية هحوش شوية فلوس على الجنب عشان لما أبقى عايزة أدلع نفسي أو أعمل حاجة لنفسي أعملها".
وأشارت إلى أن زوجها دعم قرارها وشجعها عليه، مبررة موقفها بالقول: "بنشوف نماذج كتير جداً للأسف بتتحط في مواقف سخيفة، والست بتبقى محتاجة تحس بأمان اقتصادي بشكل أو بآخر".
وشددت على أن الاستقلال المادي يمنح المرأة حرية أكبر، مضيفة: "من حقها برضه لو محتاجة حاجة لنفسها، ماتحتاجش تبرر لحد تاني".
وأضافت أن هذا الشعور دفعها لاتخاذ قرار بتأجيل الإنجاب، موضحة: "أول ما اتجوزت ماكنتش عايزة أخلف على طول، استنيت خمس أو ست سنين لحد ما خلفت".
كما وجهت نصيحة للأزواج الجدد بعدم التسرع في خطوة الإنجاب، قائلة: "لازم الكابل (الزوجين) أول ما يتجوزوا يعيشوا مع بعض سنة أو سنتين الأول، عشان لما الواحد بيخلف حياته كلها بتتشقلب للأبد، وعمرها ما هترجع زي الأول".
واختتمت حديثها بالتأكيد على أهمية بناء ذكريات مشتركة: "لازم يبقى في ذكريات إحنا أول ما اتجوزنا كنا بنعمل كذا وكنا بنسافر، يتأكدوا من قدرتهم إنهم يكملوا مع بعض ويستمروا فالبيت ماينهارش بعد ما يبقى في طفل".
اطلعي على: يسرا اللوزي تكشف عن سؤال أرادت توجيهه لسعاد حسني وتشيد بزواجها المبكر
لمشاهدة أجمل صور المشاهير زوروا «إنستغرام سيدتي».
وللاطلاع على فيديوغراف المشاهير زوروا «تيك توك سيدتي».
ويمكنكم متابعة آخر أخبار النجوم عبر «تويتر» «سيدتي فن».